د الازهر شیخ د ۹شهید شووفلسطینيو ماشومانو له مور سره خواخوږي څرګنده کړه

ایکنا -  د الازهر شیخ په یوه پیغام کې د فلسطینئ مجاهدې ډاکټرې «آلاء النجار» د ۹ اولادونو د شهادت په غم کې خواخوږي څرګنده کړه او ټینګار ئې وکړ چې د نړۍ پتمن به د دغه وحشډوله اقدام او  بې‌عدالتۍ  اړخونه  هیڅکله هیر نکړي.

 ایکنانیوز  د maspero.eg په حواله راپور راکړی، ، د الازهر شیخ احمد الطیب په یوې بیانیې کې چې  د غیرګولې په ۴  ) خپره شوې، وویل: د دغې مقاومې مور انځور، چې د خپلو سوځېدلو اولادونو  جنازې  د «ناصر» طبي مرکز کې د بشري ماموریت پر مهال ترلاسه کوي، د نړۍ وجدان دردمنوي او په دې اړه چوپتیا د نړۍ د ځینو رژیمونو لخوا د صهیونیستي نیواکګرو  ملاتړ او د جنایت او وژنو دوام  له کوم  انساني احساس یا تاریخي شرم پرته ایشوا کوي.

هغه ټینګار وکړ: دا جنایتونه به د حقیقت   د اور لمبې مړې نه کړي، او د فلسطیني ملت حقوق به کمزوري نکړي او دوي به د خپلې خاورې په اړه له خپلې ژمنتیا څخه ونه ګرځوي، د نړۍ  پتمن  او آزادي غواړي به د دغه  ظلم او وحشیانه بې‌عدالتۍ  اړخونه هیڅکله هیر نکړي.

د  الازهر شیخ په پاي کې له خدای څخه د دغې پېښې د شهیدانو لپاره پراخ رحمت او لوړ درجات وغوښتل او همدارنګه ئې له خداي څخه د دوي  والدینو ته صبر، آرام او لوی اجر وغوښت.

د فلسطینئ ډاکټرې د ۹ اولادونو د شهادت خبر، چې د غزې په جنوبي برخه خان‌یونس کې په  ناصر روغتون کې وشو، له هغو دردناکو خبرونو  دی چې د دغې تړانګې خلک د نږدې دوو کلونو راهیسې د صهیونیستي رژیم د نسل‌وژنې جګړې او د نړیوالې ټولنې د شرموونکي چوپتیا په سیوري کې زغمي.

۹ هغه موسکاوې چې په یوه لحظه کې مړې شوې

دتیرې  جمعې په شپه (  د غبرګولي ۳)، په یوه شیبه کې د ۹ وروڼو او خویندو جنازې، چې د فلسطیني دندې‌پالو ډاکټرانو، ډاکټرې آلاء النجار او ډاکټر حمدي النجار اولادونه وو،  ناصر روغتون ته یوړل شول، چیرې چې د دوي مور د ټپيانو په خدمت بوخته وه.

دا فلسطینئ دندې‌پاله ډاکټره، چې د ۱۰ ماشومانو مور وه، په لړزېدونکو ګامونو د اورژانس برخې ته د هغو سوځېدلو جنازو  په لور ولاړه، کفت  ئې ترې اوچت کړ او په ساه بندېدونکي فریاد ئې چغه پورته کړه  «دا یحیی دی، زما زوی». بیا ئې د نورو  جنازو  په لور  منډه کړه  او هڅه ئې وکړه د خپلو اولادونو مخونه، چې د بمبارۍ له امله په بشپړه توګه سوځېدلي وو، وپېژني او له هماغه ځایه ئې د پېښې د فاجعې ژوروالی درک کړ او خپل اولادونه ئې، چې د هغې د ژوند هیله وو، په یو په بل پسې ونومول: «راکان، رسلان، جبران، حوا، ریوان، سیدین، لقمان او سیدرا».

هغه بوږنونکي  پېښه چې د ناصر طبي کمپلیک

س د التحریر روغتون د ماشومانو د ډاکټرې، ډاکټرې آلاء النجار سره پیښه شوه، د ټولنیزو رسنیو کاروونکو او د بشري حقونو فعالانو غږ  ئې  پورته کړ او دوی وویل:  هغه څه چې په غزې کې ئې وینو د یوه غمجن فلم صحنې نه دي، بلکې تراخه حقیقتونه دي چې هره ورځ تکراریږي .

https://iqna.ir/fa/news/4284749/